“Allergie”, indwara ya kane mu zibasiriye Isi- OMS

SHARE

Ishami ry’Umuryango w’Abibumbye ryita ku buzima OMS ryagaragaje ko Indwara ya “Allergie” igenda ikajije umurego mu kwiyongera ku Isi bikaba biri ku yishyira mu murongo w’indwara enye zifatwa nk’ibyorezo karande ku Isi.

OMS yatangaje ko mu mwaka 2050, iyi ndwara ishobora kuzaba ifata umuntu umwe kuri babiri mu batuye Isi bitewe n’ubukana ifite. Hagendewe ku rugero rwo mu Bufaransa, aho 25% kugeza kuri 30% barwaye iyi ndwara, bivugwa ko bikubye kabiri mu myaka 20 ishize.

Abahanga mu by’ubuvuzi bavuga ko hari amoko agera kuri ane y’ibanze ya “allergies”. Hari ifata mu mazuru agafungana mu gihe cy’ubukonjer cyangwa ubushyuhe bukabije, aho uyirwaye ageze mu bihe imufatiramo amenya ko ageze mu bihe bibi.

Ubundi bwoko bwa Allerergie buvugwa ni ubufata uruhu rugafurutwa iyo hari ikibaye ku mubiri kidasanzwe cyangwa uyirwaye yariye ku biryo umubiri we utiyumvamo (bimwe bavuga mu Kinyarwanda ko inzoka yabyanze).

Hari kandi abagira allergie ku biribwa runaka bitanndukanye bikurura impinduka zidasanzwe ku mibiri ya bo. Bene aba bantu baba bafite ubwoko bw’ibiribwa birinda kugira ngo bitabakururira ikibazo. Allergies z’amaso na zo bivugwa ko zikunda kugaragara cyane ku Isi.

Denise Anne Moneret Vautrin, umwarimu muri Kaminuza ya Henri Poincaré Nancy, Allergie yibasira umubiri kubera imikorere idasanzwe y’ubwirinzi bwa wo cyane cyane nk’igihe bubaye bwinshi bukarenga urugero mu gihe umubiri uhuye n’ikintu kidasanzwe ubudahangarwa bufata ko cyagira ingaruka cyangwa gisa n’aho ari kibi kabone n’aho cyaba ari cyiza.

Ibi biba ari nk’igisubizo cy’ubwo bwirinzi bituma umuntu azana uduheri twinshi ku mubiri rimwe na rimwe akanishimagura. Avuga ko kandi ibi bishobora guterwa n’imiterere y’umubiri ndetse n’ahantu kandi bikaba ku muntu uwo ari we wese.

Pr.Michel Aubier, umwe mu mpuguke kuri yo yavuzeIbimenyetso by’iyi ndwara bigenda bitandukana bitewe n’ikiyiteye. Abafatwa n’iy’ubuhumekero, ishobora kujya igaragazwa no gufungana kw’imyanya y’ubuhumekero mu icyi cyangwa mu gihe cy’ubukonje kwitamura cyane ndetse no kugira ububabare bishobora no kuvamo kurwara Asthma.

Abafatwa n’iyo ku ruhu bashabora kubibwirwa n’uko igihe runaka bagira uduheri twinshi ku mubiri binabatera kwishimagura na ho ku iterwa n’ibyo kurya bigira ibimyenyetso umubiri ugira bimwe mu bimenyetso by’iza mbere cyangwa ugahinduka mu buryo butandukanye.

Impuguke mu by’ubuzima zivuga ko iyi ndwara ikomeza gukura ahanini bitewe n’imihindakurikire n’iyanduzwa ry’ikirere , ibikenyera kunyunyuza ikiremwa muntu byiyongera, ibiribwa bikorwa mu nganda byiyongera, imihindagurikire mu irema ry’umuntu n’ibindi.

Pr.Michel Aubier, we yyongeyeho ko hari allergies zifata ubuhumekero zishobora guterwa n’ihumana ry’umwuka bitewe n’ibinyabiziga birekura icyo bita Nitrogen dioxide(NO2), n’ ingo z’abantu zitinjiza umwuka mwiza uhagije.

Ikindi ubu bushakashatsi bwa OMS bugaragaza ni uko umwana wavutse nyina abazwe aba ashobora kwandura iyi ndwara kurusha uwavutse neza. Ibiryo bifite ibisukari byinshi na byo biri mu bishyirwa mu majwi kugira uruhare mu burwayi bw’iyi ndwara.

Nuubwo OMS igaragaza ko hari imbaraga zishyirwa mu kurwanya iki kibazo, abatuye Isi baragirwa inama yo kujya baka ubufasha inzobere no kugisha inama kwa muganga mu gihe bagaragayeho iyi ndwara bivugwa ko bigoye kuyivura.

ANDIKA IGITEKEREZO

Please enter your comment!
Please enter your name here