Bimwe mu bintu abakobwa/gore bakunda gukora kandi atari byiza ku myanya y’ibanga

SHARE

Mu mubano w’abashakanye hari ibintu abagore bakunze gukora batabizi, bakeka ko bishobora kuba byabashimisha mu gikorwa cyabo cy’urukundo ariko batazi ko bifite ingaruka zikomeye ku buzima.

Inzobere mu bijyanye n’ubuzima bw’imyororokere bavuga ko hari ibintu abagore bakunze gukora ku myanya yabo y’ibanga batabizi, kandi badakwiye kubikora kuko bishobora kubangiza ku buryo bukomeye nkuko Dailynation.

Amazi ashyushye:

Niba mu buzima busanzwe wikundira koga amazi ashyushye, birumvikana ko ari nayo woga mu myanya y’ibanga ariko abahanga mu by’ubuzima bavuga ko amazi ashyushye atari meza ku myanya y’ibanga bitewe n’uko yumisha imyanya y’ibanga bigatuma ububobere bugabanuka bityo n’igikorwa cy’urukundo ntikibashe kugenda neza.

Gushushanya ahegereye imyanya y’ibanga (tatouage):

Inzobere zivuga ko bene ibi bishushanyo bamwe mu bagore cyangwa abakobwa bashyira ahegereye imyanya y’ibanga ngo bigira ingaruka zidapfa guhita zigaragara ako kanya, ngo si byiza rero gutaka imyanya y’ibanga muri ubwo buryo kuko bishobora kukwangiza.

Isukari:

Hari abagore batekereza ko gushyira isukari mu myanya yabo y’ibanga ari byo biri butange umunezero bakeka ko isukari yongera ubushyuhe mu mubiri nk’uko ibihuha bibivuga ariko sibyo na gato kuko gushyira ibintu bifite aho bihuiye n’isukari mu myanya y’ibanga wibwira ko biri buguhe umunezero udasanzwe, birakwangiza kurushaho ndetse byakugiraho ingaruka zikomeye cyane.

Isabune zihumura:

Burya ngo izi sabune zihumura si nziza habe na gato kuko ubwazo zishobora kukwangiza bitewe n’uko imyanya y’ibanga y’abagore cyangwa abakobwa ubwayo yikorera isuku, icyo umuntu aba akwiye gukora ni ukwisukura bisanzwe nk’uko woga ahandi hose ariko ngo kirazira gushyira amasabune ayo ari yo yose muri iyo myanya.

Imibavu:

Ibintu abagore bakunze gukora kandi byangiza imyanya yabo y’ibanga, hari abibwira ko gutera imibavu mu myanya yabo y’ibanga ari byiza cyane kandi birwanya n’impumuro mbi ishobora guturukayo ariko ngo baribeshya cyane kuko iyi mibavu ishobora kugutera uburwayi bukomeye cyane, niba ushaka iyo mibavu, yitere ahabugenewe gusa ibyo birahagije, si byiza kuyitera mu myanya y’ibanga.

ANDIKA IGITEKEREZO

Please enter your comment!
Please enter your name here