Dusobanukirwe n’ibicuro ku mubiri wacu nkuko bitangazwa n’impuguke

SHARE

N’ubwo hari abafata ibicuro nk’ibimenyetso by’ukuri bigaragaza ikigiye kubaho cyangwa ikizabaho abahanga mu bumenyi nyamuntu bo ntibemeranya n’ababifata nk’ukuri.

Ibicuro ni ibyiyumviro umuntu agira ku gice runaka cy’umubiri we, aho ubyiyumvaho abiha ibisobanuro bitangukanye bitewe n’imyemerere ya buri muntu. Ni muri urwo rwego bamwe mu banyarwanda baganiriye na n’itangaza makuru batangaje ko bemera ibicuro nk’ukuri n’ubwo abahanga mu bumenyi nyamuntu bahamya ko ari imwe mu mikorere y’umubiri w’umuntu.

Ibicuro kuva hambere byabagaho nk’uko bitangazwa na Nyirasafari Sofia, umubyeyi w’imyaka 64 y’amavuko aho yagize ati “Kuva na kera ibicuro yabyumvanaga ababyeyi be, kandi icyo bishatse gusobanura kikabaho, kuko wajyaga kumva ukumva umuntu mukuru aravuze ati “Ibikoba birankutse”, agahita akubwira ko hari ikintu kibi kibayeho cyangwa kigiye kubaho. Nyuma ukaza gusanga hari nk’umwe mu muryango upfuye cyangwa ufite ikindi kibazo gikomeye.”

Umutesi Nadia, umunyeshuri mu Ishuri rikuru Nderabarezi rya Kigali ryahoze ari KIE yagize ati “Iyo ngize igicuro munsi y’ijisho mba nziko ndiburire cyangwa nzarira mu minsi iri imbere. Kimwe nk’uko iyo kigaragaye hejuru mba ndibubone ikintu cyiza cyangwa nzakibona mu minsi mike kandi bikarangira bibayeho.”

Ibisubizo by’abantu batandukanye ku bicuro bikaba bigaragaza bimwe mu bisobanuro by’ibicuro, aho bavuga ko igicuro cyo ku munwa gisobanura gusomana cyangwa gukubita umunwa hasi, icyo ku rurimi kigasobanura kurya ikintu kiryoshye, igicuro mu kiganza kigasobanura kwakira ikintu cyiza, mu kirenge kigasobanura kugira urugendo na ho mu mbavu kisobanura guhoberana.

Uku kuri kw’ibicuro abahanga mu bumenyi nyamuntu bo ntibabyemera nk’uko twabitangarijwe na Dr. Ngabo Fabrice. Yagize ati “Ubusanzwe mu mubiri w’umuntu habamo imikaya icamo amaraso, hakagira ubwo ibaye nk’imbyimba mu kanya gato bitewe n’uko amaraso aciyemo ari menshi kuruta uko bisanzwe, bityo uwo bibayeho akabyumva.”

ANDIKA IGITEKEREZO

Please enter your comment!
Please enter your name here