Kuki imvuvu zibasira abagore?

Akenshi usanga abantu bibaza igitera imvuvu mu mutwe, ugasanga umuntu ahora yishimagura kubera uburyaryate bwazo; mu mutwe we hasa n’ibara ry’umweru ndete akaba yageza naho yishima cyane agacika n’udusebe. Imvuvu zikaba ziterwa n’umwanda.

Twagiranye ikiganiro na bamwe bakunze kugira imvuvu mu mutwe, Mukakarisa Aline yagize ati ”kera ndi umwana muto nta mvuvu nagiraga, ariko aho mariye gushyira ibisuko mu mutwe, nkanadefiriza ni ho natangiye kujya nzana imvuvu, nkishimagura ku buryo nanikomeretsa, nkaba mbona biterwa ahanini n’uko ari amavuta nsiga mu mutwe.”

Na ho Uwituze Solange we ati “Imvuvu mbona ahanini zikunze kugira abagore kubera ko bakunze kumara igihe kinini, badasukura mu mutwe, kandi basigamo n’amavuta bigatuma imvuvu zizamo.”

Habumuremyi Eric umuhanga mu by’imiti yagize ati “Imvuvu ziterwa na “champignons microscopiques” izo mikorobe zihora mu kirere, zibasha kwinjira mu mutwe, zahura n’isuku nke iba isanzwe, ubwo bigatuma uzifite yishimagura cyane ndetse akaba yanakwikomeretsa”

Yakomeje avuga ko utwo dusebe duterwa no kwishimagura kubera uburyaryate bw’imvuvu, umuntu akagera aho yikomeretsa bitewe no gushima n’inzara cyane, anongeraho ko utwo dusebe dushobora gukurura izindi virusi zatera indwara, ndetse umuntu akaba yanatemuka.

Kwirinda imvuvu ni ukugirira isuku umutwe: Kuwukarabamo, no ukudakoresha ibikoresho by’ufite imvuvu nk’igitambaro cyo mu mutwe, igisokozo n’ ibindi.

TANGA IGITEKEREZO CYAWE

Please enter your comment!
Please enter your name here