Kurara wambaye amasogisi bifite ibanga mu gusinzira neza

SHARE

Mu myemerere ya benshi hari abibwira ko kurara bambaye imyenda atari byiza kuko bakeka ko bibangamira gutembera kw’amaraso mu mubiri ndetse bikanatuma umubiri udahumeka uko bikwiye.

Ubushakashatsi bwakozwe bugaragaza ko hari ingaruka nziza zo kurara wambaye amasogisi kuko bifasha umuntu kuryoherwa igihe atera akabariro ndetse agashobora gusinzira neza.

Ikinyamakuru Insider dukesha iyi nkuru cyanditse ko gushyushya ibirenge byari bikonje, bituma imitsi itemberamo amaraso yaguka, bityo ubwonko bukamenya ko ari igihe cyo kuryama. Iyo imitsi yo mu biganza no mu birenge yamaze kwaguka bihagije, ubushyuhe busakara mu bindi bice byose by’umubiri bigatuma umubiri uruhuka neza.

Abahanga mu bijyanye n’ubuzima basohoye ubushakashatsi bwatangajwe mu Kinyamakuru, International Weekly Journal of Science, bavuga ko iyo waraye wambaye amasogisi usinzira mbere ho iminota 15 igihe byajyaga bigutwara ngo utwarwe n’ibitotsi.

Kurarana amasogisi ntibifasha gusinzira neza gusa, kuko binatuma umuntu agira ubushake vuba, maze bikamufasha kunezeza uwo bashakanye igihe muri gukora imibonano mpuzabitsina.

Umuganga wo mu Ivuriro rya Chinese and Integrative Medicine, yatangaje ko abantu bakeneye gukora ibituma amaraso atembera neza mu mubiri.

ANDIKA IGITEKEREZO

Please enter your comment!
Please enter your name here